Project Runway Season x last but 2 ep

（x>=3 因为我都唔记得係第几季）
哈哈，啱啱睇完明珠台嘅Project Runway就写呢篇嘢啦，作为Hello? Hello? 又翻嚟嘅第一篇。
真係扣人心弦，由今集开始画草图开始我就一直为Micheal Knight担心。佢一直都好有自己嘅品味，做出嚟嘅嘢一向都好好，而且好易讨好人，平易近人，一d都唔会好似Jeffery咁剑走偏锋（其实係极端、颓废，冇办法，评委就係觉得佢一个字：“型”）。不过今次，Micheal真係……好险啊。首先因为今次冇主题，创造自由，净係要求有自己风格得嚟又有创新，Micheal反而确定唔到，係买完布翻嚟都未谂到做咩。呢个时候，Jeffery已经差唔多条裙嘅雏形出咗嚟；Laura已经喺度钉紧珠仔啦。等到Micheal决定做晚装，谂埋3个主题词之后，Tim又宣布新嘅deadline，Micheal冇乜时间啦（其实Uli都一样，不过人哋係今集冠军）。行完天桥之后，评委d评语真係差啊（虽然对Jeffery同Laura嘅都一样唔好），我都係期望Micheal可以过到今次就得啦，下次纽约时装周又有机会。等到后尾，得翻佢同Jeffery先係最惊险，我都谂住：唔係嘛，冇理由要Jeffery走。真係要淘汰Micheal？佢话嗮都係2次冠军喔，而且有2次都係第二。唔要佢，可惜啊，虽然要係Jeffery同佢之间拣一个就係难。好在～～，最后係“Micheal, Jeffery, you are in.”啊，冇最后3强，係4强啊，都选导演同评委识做。
希望最后赢嘅係Micheal Knight。其实咁多个选手之中我会欣赏佢嘅理由真係好弱智，除咗佢真係掂之外，就只不过因为佢係黑人，仲要係外表一d都唔似设计师嘅黑人。anyway, 都係净翻两集，边个会赢好快知（就算唔係Micheal赢，我都望係Jeffery，千祈唔好係Laura啊）。下一集係特辑，都係讲下d幕后嘢，不过可以睇下我未开始追之前嘅选手。P.S 我就係由Micheal Knight第一次赢嗰集开始追住睇嘎。

再P.S 要向马丽道歉，我见到你留言啊，亦见到你个space更新。我都好想喺你度留言嘎（剪发嗰篇），不过我尝试过好多次都会一试即死机，所以放弃咗噜。