寻晚竟然成为我大学以来，第一次去课室晚自习，独自。其实也不用功，去到教四都差唔多八点。第一次去自习嘅感受唔係唔习惯，唔係环境唔够好，而係……真係一室难求啊。开放嘅课室唔多，而且都係细课室。好在，课室都唔係多人，未觉得咩嘢，我唔使安静，唔使鸦雀无声，但我一定要有足够大嘅空间，具体讲，我理想状态係同人左右距2个位，正前正后冇人。原来，係课室都几静，间或有手机声响，不过一响人就按熄，然后有人走动声，嗯，呢d正係我需要嘅。一粒声都冇我真係会死嘎！！！
下个星期应该会继续去课室自习，持续到我觉得热到顶唔顺啩。
PS 寻晚见到对咿韧情侣。其实佢哋係课室真係自习，冇打情骂俏，冇做其他嘢。但係，但係……当我一抬头，见到佢哋台底下，男嘅左手揸住女嘅左手，嗰一刻…… －_－|||。佢哋唔觉得好拗手嘅咩？
又PS 喺我写呢篇嘢过程中，嗰只由我上星期下载到今个星期嘅48Mb嘅game终于下载完喇。我都唔记得係只咩嚟嘅添啦，希望佢好玩，对得住我咁有耐性下载完佢啦。
没有评论:
发表评论