Hello? Hello?: 广工一夜

星期三去咗大学城广工玩啊，仲係嗰度过咗一晚添。广工之旅，可以讲係取硅胶套之旅，或者叫NDSL之旅，或者叫再燃马丽购NDSL熊熊烈火之旅，或者叫NDSL兴奋对战之旅（是但啦）。我去到，马丽同马丽同学就攞咗两部NDSL，同一部PSP出嚟，掌机大晒冷？成晚就係两部粉红色NDSL之间度过。真係好鬼好玩，唔係指打机喔，係因为有得冲热水凉，仲有得睇电视，嗰晚嘅溏心风暴重燃我想睇tvb剧嘅兴趣啊！！（再俾多个！）之后我竟然可以1点钟瞓，第朝7点钟起身喔。马丽睇嚟都几兴奋，瞓之前做嘅係打机，瞓醒首先做嘅都係打机，睇嚟佢都忍唔到几耐就会去买啦。