我係伪Google fan
见到未？我有成11个google服务嘎。自从有咗个gmail邮箱之后，我都未将佢物尽其用，当时只係谂住要有邀请信先可以申请咁矜贵，兼要有gmail邮箱先用得gtalk，所以先恨有个。好彩又有人咁好，肯发邀请信俾我先会有。不过，搞完一轮个邮箱都係收下d注册信，之后亦都冇用gtalk（要开辟新战场好难嘎，我d MSN联系人都係得嗰几个，用gtalk嘅话就真係得我自己talk啦）。
不过呢几日开始用google reader之后就发觉google嘅服务几好用喔。所以唔理三七廿一，全部开嗮佢先啦，虽然有好多都冇用到。有11个啊，虽然仲有未放上去嘅服务，不过就算俾我用吖，都係攞嚟嘥啫。发觉有好几个都有个
，好明显仲係测试阶段，不过冇所谓，用到就得啦。希望中国市场快d可以beta。
咁多服务当中，我最中意google reader。而家觉得係在线rss阅读器睇新闻，睇blog真係好方便。虽然而家我用得多嘅反而係另一国内阅读器抓虾。完全因为google reader係英文界面，望落唔多方便，其实睇功能，都係佢更胜一筹。另外嘅blogger都几好，佢真係有另我抛弃而家嘅Live space，转用佢。不过谂下，本来我个space已经少人睇，转咗咪冇人睇？而且都用咗成年先换，咁我之前嘅坚持点啊？都係算。Picasa同gtalk都冇用过。笔记本同日历最好配合google toolbar用，因为冇用到工具栏，所以呢两样嘢优势不突出（如果用嘅话，笔记本应该几有用嘅）。Page Creater顾名思义就係整网页嘅。当初谂住用Page Creater係听讲话会提供几百m可以用嚟储存音乐外连，不过我唔得嘅？文档和电子表格相当于在线嘅word同excel，普通编辑冇问题。不过我用佢嘅文档做在线blog编辑器，点解係发布去blogger时会有问题呢？唔明。搜索历史记录梗係用嚟睇你係google嘅搜索历史啦（仲做埋统计添），佢仲有个书签功能，咁即使用另一部电脑，只要登陆google都可以用到平时用开嘅书签，就係近日百度嘅搜藏咯。不过有样嘢唔係咁好，好似唔可以从本地html文件导入，百度可以。至于个性化主页，唔知点讲，都唔明咁简单嘅嘢係中国市场都係测试阶段。不过可以加嘅小工具几好玩，仲几有用，有可以放上blogger嘅。
至于点解係伪google fan？我确实中意google，撑google（对比百度嚟讲）。不过其实有好多嘢都係因为我贪得意，用唔用得着就係其次，所以我唔敢大大声话：我係google fan！不过，都係觉得google好过百度。
1 条评论:
又发现一个google发烧友啊,呵呵
发表评论